Ngohe 8 - Matapakihia ngā rerekētanga o te mahi (Changes in Practice)

Matapakihia ngā rerekētanga o te mahi 

Huuuuureii! He tino wheako te whai i tēnei tohu arā te The Mindlab Postgraduate Course in Digital & Collaborative Learning. Ia Wenerei ka wehe au i taku kura i te 12:30pm ka haere tōtika ki Tūranga ki te Mindlab ka tae atu i te 3:30pm ka tīmata taku karāhe i te 4pm. Ka mutu i te 8pm ka hoki au ki Te Araroa (3 haora anō). Ka haere ki te kura i te ata o te Taite.
  

Ahakoa ko au anake i roto i te rōpu o te Noema mai i taku kura, i waimarie au na te mea i mua i a au te nuinga o ngā kaiako o taku kura e haere ana i runga i tēnei akoranga. Na reira memea kāre au i te mārama, pīrangi āwhina, kōrero noa iho rānei ka toro au ki ngā kaiako o taku kura kua oti kē te mahi. He rahi tonu rātou na reira kāre au i haere ki te tangata kotahi anake i huri haere au kia kore rātou e hōhā mai ki a au.  

Heoi anō, he nui ngā hua i puta mai mākū. Ahakoa taku kore pīrangi ki te mahi tahi ki ētahi atu, kua kite au ngā painga o taua āhuatanga. Ko ngā mahi me ngā kauhau i whakaritea he āki i a au kia whakaaro rerekē, kia pana i ngā taiapa. Ko te kōrero ki te kāmera tētahi āhuatanga kāre au i tino rata atu. Engari ma te noho tauira (student) ka mārama koe ki ngā taumahatanga me ngā ngāwaritanga o āhau tauira i te kura i roto i ēnei āhuatanga ako. 
Kāre e oti tēnei i roto i te pō kotahi, engari mā te wā ka kitea, ka whakapaihia ake, ka āta whakarerekē ki tutuki ai ngā hiahia o te Kaiako, o ngā tamariki me te whānau whānui. 

 He mahi uaua anō te kōrero mōhou ake, na reira kāre au i rata ki te mahi 'reflections' i te tuatahi engari kua kitea te painga o tērā hoki. Tāpiri mai ko ngā pūmanawa hou (software, apps) me ngā mahi whakahihiko i te hunga tamariki i tukuna mai ki a matou i runga  tēnei haerenga o tātou. 

 Ahakoa te uaua o te taraiwa ki Tūranga rānō ia Wenerei, ka mutu ana te haere ā tinana atu ki te karāhe ka rerekē ake. Kua kore e whai tangata ki te kōrero atu kanohi ki te kanohi ia wiki, te kaiako hoki. Heoi ka whakamahi i te Google + Communities hei whakawhiti whakaaro, kōrero hoki ki ētahi atu Kaiako, tauira hoki. 

 Hei whakakapi ake - kei te mihi ki a Tim me te tīma o Te Mindlab tae noa atu ki AUT me a koutou rauemi āwhina hoki. 

 Mauriora whānau!

Comments

Post a Comment

Popular posts from this blog

Ngohe 6 - Critically discuss the use of online social networking sites in teaching and PD

Image
Āta tātarihia te whakamahinga o ngā kaenga ipurangi pāpori i roto i te whakaako me te ako Mai i te papatuhituhi tioka ki te kōpae ngāwari (floppy disc) ki te kōpae (compact disc) te papamā, te papakoi(smartboard), te waea me te wāti koi tae noa ra ki te ipapa me ona āhuatanga katoa. Kua huri te aro o te tangata ki te hangarau me te hangahanga.  He aha te take? Kia ngāwari ake, kia tere ake, kia pakari ake, kia kaitā ake, kia ora ake ai te tangata i tēnei ao hurihuri i te mata o Papatuanuku. Na reira kei te rapa kei te kimi whakaaro hou ngā kaiako hei whakahihiko ai ngā mahi whakaako, hei whakahihiko hoki i ngā whakaaro o ngā tauira, hei kīnaki i ngā mahi ako i rō karāhe.  Ko tētahi āhuatanga hangarau e kaha whakamahia ana e te nuinga o ngā kaiako ko te 'whakamahi kaenga ipurangi pāpori' (use of social media). Ko te wāhi tino rongonui i tēnei wā ko Pukamata / Facebook. Ko te nuinga o a mātou tamariki kei runga pukamata. He whārangi tō te kura, he whārangi ō ētahi...
Read more

Week 1

Mauriora Whanau! Tino pai te wiki tuatahi i Te Whare Hinengaro Koi. He nui nga akoranga, he huhua nga whakaaro. He rawe ki a au nga mahi kainga mo te wiki tuarua. What 60 schools can tell us... How do we learn? critical thinking / Problem solving (buzz words 20 years ago) Me kimi raru nga tamariki, he aha te kimi whakautu. Nga ahuatanga o te taiao - ecosystem te hanga, buld, prototype, FAIL Prep kids for their future not our past - me titiro whakamuri kia anga whakamua Towards Reconceptualising Leadership re-defining thinking and learning whskawhanake marautanga anyone can be a leader
Read more

Ngohe 1 - Taku Hāpori Parakatihi

Image
Taku Hāpori Parakatihi 'He kura tangata he kura whānau' E kī ana Te Aho Matua; 4.1 Ko tona ake kainga te ao tuatahi me te kura tīmatanga o te tamaiti. Tua atu o tēnei ko te ao Mäori. Ma te Kura Kaupapa Mäori ia e ārahi i roto i ēnei nekeneke tae noa ki tona kura whaka-mutunga, arā, ki te ao whānui me ona āhuatanga katoa.  He aha te 'Hāpori Parakatihi'               (community of practice)? Etienne Wenger A community of practice is defined by three distinct elements: joint enterprise (domain), mutual engagement (community) and shared repertoire (practice). (Wenger, 2000). He Kaiako Wharekura i Te Kura Kaupapa Māori o Kawakawamaitawhiti He kaiako i Te Kura Kaupapa Māori o Kawakawamaitawhiti He Kaiako Kura Kaupapa Māori (Tairāwhiti) He Kaiako Reo Māori - Tairāwhiti Māori Teachers Association He tauira Mindlab - November Intake Ko ēnei ngā Hāpori Parakatihi whai pānga mai ki a au i roto i taku kura. Arā no...
Read more