Ngohe 6 - Critically discuss the use of online social networking sites in teaching and PD

Āta tātarihia te whakamahinga o ngā kaenga ipurangi pāpori i roto i te whakaako me te ako

Mai i te papatuhituhi tioka ki te kōpae ngāwari (floppy disc) ki te kōpae (compact disc) te papamā, te papakoi(smartboard), te waea me te wāti koi tae noa ra ki te ipapa me ona āhuatanga katoa. Kua huri te aro o te tangata ki te hangarau me te hangahanga. 

He aha te take?
Kia ngāwari ake, kia tere ake, kia pakari ake, kia kaitā ake, kia ora ake ai te tangata i tēnei ao hurihuri i te mata o Papatuanuku. Na reira kei te rapa kei te kimi whakaaro hou ngā kaiako hei whakahihiko ai ngā mahi whakaako, hei whakahihiko hoki i ngā whakaaro o ngā tauira, hei kīnaki i ngā mahi ako i rō karāhe. 

Ko tētahi āhuatanga hangarau e kaha whakamahia ana e te nuinga o ngā kaiako ko te 'whakamahi kaenga ipurangi pāpori' (use of social media). Ko te wāhi tino rongonui i tēnei wā ko Pukamata / Facebook. Ko te nuinga o a mātou tamariki kei runga pukamata. He whārangi tō te kura, he whārangi ō ētahi atu rōpu i roto i te kura - Wharekura Kapa Haka, Te Puna Reo, Ruma Tahi . . .
Ahakoa kua kōrerotia tēnei kaupapa i roto i ētai atu taumahi Mindlab, kāre anō au kia titiro ki te whakamahinga i roto i te PD (arā te whakaako me te ako). Heoi na te uru atu ki te hāpori Google Community - Mindlab November Intake ka puare aku whatu ki te ngāwari o te mahi tuari whakaaro, uiui pātai ki runga rā me te tere o te whakautu mai ki a koe. Me kore tēnei āhuatanga kua noho kuare i roto i ētahi wahanga o te Mindlab me āna taumahi. Waimarie hoki au he kaiako katoa te hunga o tēnei rōpu na reira he rawe ngā whakahoki he hāngai ki te kaupapa, he kōrero whai take katoa. I mua i tēnei ka tuku pātai au ki aku hoa mahi i taku kura, ma te Google Community ka āhei te toro atu ki te mano tāngata e whai pānga ana ki tēnei wāhi. 

 "Many faculty use social media sites for both personal and professional reasons, and a somewhat smaller proportion also believe that social media sites have a place within their courses."  Seaman et al. (2013)

Kua whakatūria e au tētahi whārangi Pukamata mo taku rōpu Kapa Haka hei whakaatu atu i ngā kupu me ngā ringa mo ngā waiata o te wā, ngā pānui kia mārama ngā mātua ki ngā kōrero. 

References:

Seaman, J., & Tinti-Kane, H. (2013). Social media for teaching and learning. Babson Survey Research Group. Retrieved from http://www.onlinelearningsurvey.com/reports/social-media-for-teaching-and-learning-2013-report.pdf