Taku Whare Hinengaro - My Mindlab

Matapakihia ngā rerekētanga o te mahi  Huuuuureii!  He tino wheako te whai i tēnei tohu arā te The Mindlab Postgraduate Course in Digital & Collaborative Learning. Ia Wenerei ka wehe au i taku kura i te 12:30pm ka haere tōtika ki Tūranga ki te Mindlab ka tae atu i te 3:30pm ka tīmata taku karāhe i te 4pm. Ka mutu i te 8pm ka hoki au ki Te Araroa (3 haora anō). Ka haere ki te kura i te ata o te Taite.    Ahakoa ko au anake i roto i te rōpu o te Noema mai i taku kura, i waimarie au na te mea i mua i a au te nuinga o ngā kaiako o taku kura e haere ana i runga i tēnei akoranga. Na reira memea kāre au i te mārama, pīrangi āwhina, kōrero noa iho rānei ka toro au ki ngā kaiako o taku kura kua oti kē te mahi. He rahi tonu rātou na reira kāre au i haere ki te tangata kotahi anake i huri haere au kia kore rātou e hōhā mai ki a au.   Heoi anō, he nui ngā hua i puta mai mākū. Ahakoa taku kore pīrangi ki te mahi tahi ki ētahi atu, kua kite au ngā painga o taua āh...

E ai ki a Daniel Pink 'we need to prepare kids for their future not our past'. I ahau e mātakitaki ana ka kata au ki ngā kōrero a ngā wahine nei mo te 'interdisciplinary learning' na te mea ehara tēnei i te kaupapa hou kia mātou te hunga o ngā kura kaupapa māori otira ki te iwi māori hoki. Koinei te ako a ngā mātua tīpuna i ngā rā o mua, ā koinei hoki te whāinga o ngā kura kaupapa māori o te motu. Heoi ano - he tirohanga anō tā te iwi māori ki te kōrero a Daniel Pink i runga ake nei. Ko tā te māori whakapono 'ME titiro whakamuri hei anga whakamua'.  I tāia Te Aho Matua i runga i ēnei momo whakaaro a ngā kuia koroua kua riro ki te pō. E kii ana 'holistic learning' arā ko te tuakiri o te tamaiti. Me pēhea te kaiako e whāngai ai i tēnei āhuatanga mehemea kāre ia te mārama ki te tuakiri o te tangata me ōna tohu.  E tino rata ana au ki tēnei momo ako heoi anō kāre anō au kia whai wāhi na te mea kāre anō taku kura kia tae ki tēnā. Kua tuhi e au ēta...

Āta tātarihia te whakamahinga o ngā kaenga ipurangi pāpori i roto i te whakaako me te ako Mai i te papatuhituhi tioka ki te kōpae ngāwari (floppy disc) ki te kōpae (compact disc) te papamā, te papakoi(smartboard), te waea me te wāti koi tae noa ra ki te ipapa me ona āhuatanga katoa. Kua huri te aro o te tangata ki te hangarau me te hangahanga.  He aha te take? Kia ngāwari ake, kia tere ake, kia pakari ake, kia kaitā ake, kia ora ake ai te tangata i tēnei ao hurihuri i te mata o Papatuanuku. Na reira kei te rapa kei te kimi whakaaro hou ngā kaiako hei whakahihiko ai ngā mahi whakaako, hei whakahihiko hoki i ngā whakaaro o ngā tauira, hei kīnaki i ngā mahi ako i rō karāhe.  Ko tētahi āhuatanga hangarau e kaha whakamahia ana e te nuinga o ngā kaiako ko te 'whakamahi kaenga ipurangi pāpori' (use of social media). Ko te wāhi tino rongonui i tēnei wā ko Pukamata / Facebook. Ko te nuinga o a mātou tamariki kei runga pukamata. He whārangi tō te kura, he whārangi ō ētahi...

Te arotake me te aromātai i ngā take ā iwi, ā ture me ngā kaupapa here o te mahi Ko tētahi raru (ethical dilemma) o ēnei rā o ia kura pea ko ngā kainga ipurangi pāpori (social networking sites) pēnā ia Pukamata (facebook), Snapchat me Twitter.  I a au i te kura i ngā tau 90 kua tae mai te ipurangi engari kāre anō kia horapa te motu. Na reira kāre anō kia tae ki ngā kura katoa o Aotearoa. Kāre hoki he Pukamata, he Snapchat rānei. Memea pīrangi koe te tuku pānui, karere rānei ki tētahi / ētahi atu me waea rāno runga te landline. Me haere a tinana atu rānei ki a ia. I tango whakaahua ma te 35mm film kāre kē he pānoho (laptop). Tino kaha te pā mai o tēnei āhuatanga ngā kainga ipurangi pāpori ki te tangata ahakoa te pakeke. Kei te tuari kōrero ētahi e hāngai ana ki a rātou me o rātou whānau.  The public sharing of information obscures the normal boundaries between teacher and student and teacher and colleagues.  Young teachers are especially vulnerable to the con...

Mātauranga Māori me te Whakaaro Ahurea Ara noa atu nga rangahau e whakaatu ana i nga tatauranga koretake e pa ana ki te iwi maori. E kii ana - he koretake te taetae atu ki te kura na reira kei te he katoa te whanonga o te tamaiti. Kare e kaingakau ana ki nga marau pena i te pangarau, te putaiao me te hangarau engari rawe te tamaiti maori ki te mahi hakinakina me te tunu kai.  Kaore i akina nga tamariki maori ki te whai atu ki nga mahi whika (accounting) nga mahi takuta ranei engari i whanakehia hei nehi, hei hekeretari otira ki nga mahi 'trades'.  "  Māori student achievement levels are low, and they are overrepresented in lower track and in special education programs for behavioural issues. Māori are more likely than other students to leave school early with fewer formal qualifications and are less likely to enrol in university-level education ( Bishop et al., 2009 ). Kare i kitea e te Kawanatanga o taua wa ko te raru nui ko te punaha a te pakeha me te ao ...

Āta tātari i ngā āhuatanga whai rawa, taiao hoki i roto i te mahi  He aha tēnei mea te wairua o te kura (school climate)? He āhuatanga whai take, he āhuatanga ahurea (unique) hoki. Ko te rongo, me te wairua ka rongo nei koe i to kuhunga tuatahi ki taua wāhi. He wairua pōhiri i te tangata, he wairua whakawehi rānei.He wāhi haumaru, he wāhi koakoa? Ko te pūtake ko ngā whanaunagtanga ki waenganui i ngā kaimahi/kaiako me ngā tamariki me o rātou whānau. Ko te ako me te whakaako i roto tonu i te kura.  E kiia ana ko te kura toiroa, wairua hāpai te kura whai uratanga e tautoko ana i ngā rongo o te tangata kia noho haumaru te tangata a wairua, a hinengaro, a tinana.  Ko ngā uaratanga o tō mātou kura; Wairua Aroha - me aroha ki te tangata ahakoa ko wai. Ngākau Mahaki - kia ngakau mahaki kia mauri tau. Tangatanga Te Reo - kia maringi noa mai te reo rangatira penei i te pata rewa. Toa ki Te Tākaro - me whai kaha ia tamaiti ki te whakaatu atu i tana ake toa. H...

Taku Hāpori Parakatihi 'He kura tangata he kura whānau' E kī ana Te Aho Matua; 4.1 Ko tona ake kainga te ao tuatahi me te kura tīmatanga o te tamaiti. Tua atu o tēnei ko te ao Mäori. Ma te Kura Kaupapa Mäori ia e ārahi i roto i ēnei nekeneke tae noa ki tona kura whaka-mutunga, arā, ki te ao whānui me ona āhuatanga katoa.  He aha te 'Hāpori Parakatihi'               (community of practice)? Etienne Wenger A community of practice is defined by three distinct elements: joint enterprise (domain), mutual engagement (community) and shared repertoire (practice). (Wenger, 2000). He Kaiako Wharekura i Te Kura Kaupapa Māori o Kawakawamaitawhiti He kaiako i Te Kura Kaupapa Māori o Kawakawamaitawhiti He Kaiako Kura Kaupapa Māori (Tairāwhiti) He Kaiako Reo Māori - Tairāwhiti Māori Teachers Association He tauira Mindlab - November Intake Ko ēnei ngā Hāpori Parakatihi whai pānga mai ki a au i roto i taku kura. Arā no...